नरीसाउ है मातृभूमी

टिका अजिवी, गूल्मी

सयपत्री र लालुपाते बगैचामा फुलेका ती
आशा र भरोसामा सप्तकोशी बगेका ती
सपनाहरु मिठो मानी भारी बानी बोकेको छु ।
विदेशीको माटोतिर सुइ कुच्चा ठोकेको छ ।

बालखैमा वुवा खसे भयो उद्योगति
स्वदेश छोडी परदेश हिडे बिग्रीयो की मति
नरीसाउ है मातृभूमी मैले छाडी जादाँ
सधैभरि विदेशीको कति हुला बाँधा

इच्छा थियो सेवा गर्न मेरो प्यारो देशको
गुन्यू चोलो दौरा सुरुवाल नेपाली यो भेषको
ममता र स्नेहाको सगरमाथा मन भित्र
न मैलियोस कहिल्यै पनि हृदयमा तिम्रो चित्र